Við Hugvísindasvið Háskóla Íslands er unnt að leggja stund á MA-nám í miðaldafræði á nokkrum kjörsviðum. Námið á að veita efnilegum stúdentum með viðeigandi bakgrunn tækifæri til þess að stunda markvisst rannsóknanám á kjörsviði sínu undir handleiðslu viðurkenndra fræðimanna og jafnframt búa þeim umgjörð sem gerir þeim kleift að öðlast þá þekkingu og færni sem krafist er á rannsóknarsviðinu. Jafnframt þessari braut eru starfræktar tvær alþjóðlegar brautir sem ætlaðar eru erlendum nemendum (Medieval Icelandic Studies og Viking and Medieval Norse Studies).

Kjörsvið í Miðaldafræði:

• Miðaldafræði
  Námsleiðin er þverfagleg og hentar þeim sem vilja öðlast innsýn í ólík svið miðaldafræða. Meistaraverkefni er þó unnið á afmörkuðu kjörsviði.
• Íslenskar miðaldabókmenntir
  Kjörsviðið hentar þeim sem vilja sérhæfa sig í rannsóknum á íslenskum miðaldabókmenntum.
• Evrópskar miðaldabókmenntir
  Kjörsviðið hentar þeim sem vilja sérhæfa sig í rannsóknum á evrópskum miðaldabókmenntum.
• Miðaldasaga
  Kjörsviðið hentar þeim sem vilja sérhæfa sig í rannsóknum á íslenskri miðaldasögu.
• Miðaldafornleifafræði
  Kjörsviðið hentar þeim sem vilja sérhæfa sig í rannsóknum á íslenskri miðaldafornleifafræði.

Umsjónarkennari MA-náms í miðaldafræðum er Gunnar Harðarson, prófessor við Sagnfræði- og heimspekideild. Sjá nánar í Kennsluskrá Háskóla Íslands.